Bir günün sabahı gəldin dünyaya, 

Məni də sabah üçün doğdunmu, ana? 

Sabahlar sabahı açıldı bu gün, 

Yenə sən sabahı düşünürsən, ana. 

Bəs haçan olacaq sabahın özü? 

                          Bu günün özü? 

Ki, sən daha düşünməyəsən,                                   

Qəm yeməyəsən. 

Arzuladığın sabahı sağ ikən görəsən. 

Yoxsa bəşərin arzusudu bu?

Sənin də  gözündə qalacağmı o? 

Əzizləmə ilə başladın laylama, 

Sən nələr arzuladın mənə, ay ana? 

Gör nələrə qadirdi övladın,                                   

Sənin sabahın                                   

Sabahki adın 

Yenə arzuların qalaq-qalaqdı, 

Yenə gözllərin sabah gözləyir 

Yenə qalanıb arzu ocağın 

Səni sabahki sabah gözləyir. 

Məni də özünə sarvan etmisən, 

Ömür yollarını karvan etmisən. 

Arzuların düşübdü arxamca mənim 

Qarşımda açılıb cənnət yolları.  

Sənin duaların 

Sənin istəyin 

Mənə olubu ömür yolları. 

Bəs indi  istəyin  nədir? 

Sabahki günümüzün mövzusu nədi? 

Bu sabahlar bitməyəcəkmi? 

Bircə gün bu günü düşün, 

Yaşa özün üçün, özünü düşün. 

Sabah var ikən sabah düşünmə!.. 

Allah var ikən sabah düşünmə!.. 

Qoy dilin daim bellə desin: 

Bu gün, bu gün, bu gün.